粤语段落
1
兄台唔使失望，自己做左该做嘅事，对得起自己，问心无愧就算喇。你努力左，如果命运系要粤语响广东灭亡，广东人自己都唔争气，唔团结嘅，可耻嘅北方人又唔觉醒嘅，咁你又可以点呢？不过，希望有咁嘅心嘅朋友都本住不离不弃，春蚕到死丝方尽嘅决心同意志，为保护及弘扬岭南文化而努力。我地有心嘅人都会支持嘅。
2
支持。如果连呢样事情都唔肯花力气去做，保护粤语、粤文化嘅呼声只系纸上谈兵，比人嗤之以鼻，真正急切又有意义嘅事唔做，就真系等住眼白白自己宝贵嘅文化比北方嘅蝗虫文化所迫害以至灭亡喇。
3
而家有好多人不嬲都系用粤字写文章架啦，人兄多啲上香港嘅网站就学到标准嗰啲粤字架喇！
4
要保护、推广粤语，就须各位身体力行，平时网上尽量用粤语，主动学标准粤字，係屋企引导同埋亦教细佬仔学会认识一啲粤字，咁粤语先会后继有人咖。特别系有一啲字，宜家细佬仔净系识普语音。我建议各位买《广州音字典》畀细佬仔，里面系普、粤音对照，查一次字典就两种音都识。
5
只有香港嘅力係唔夠嘅，廣東同廣西都要做啲嘢！
6
最紧要系大家身体力行!! 坚持用母语发言,倾偈,并教育我哋身边嘅人同下一代..Cantonese不死!
唔一定要政府干涉嘅.. 好多嘢都系由下至上嘎啦!
7
新快报讯（记者 任磊斌 王小明）禽日记者去番禺、南沙嗰边查访嗰粒（那颗）好得人惊(吓人）嘅“珍珠”（台风）对广州南部地区嘅影响。喺田间，记者同种蔗嘅农民伯伯倾计，除咗倾下点样防风抗灾，仲闲话家常，记者觉得农民伯伯真系社会上最知足常乐嘅人啊。
记者禽日中午十一点半左近嚟到番禺区大岗镇放马村田间。农民梁生两公婆同冯生两公婆围坐喺窝棚里面食紧饭。啲餸（菜）好简单:炒青菜，同埋节瓜焖猪肉。
虽然话系“农民伯伯”，其实梁生同冯生佢哋四个都只係四十岁左右嘅老青年，但日晒雨淋，岁月嘅痕迹喺佢哋嘅皱纹啊、手脚啲枕（茧）、开裂嘅皮肤上面显晒出嚟。大岗镇政府嘅工作人员打开咗话题：“你哋今晚记得唔好喺呢道（这里）瞓（睡觉）喇，打风牙烟（危险）啊。”“我哋啲係黑皮蔗，蔗苗先半米高，一般好难吹断或者吹冧（吹倒）嘅。人就梗係返入村过夜啦，安全第一啊。”梁生冯生都咁话。
话题深入咗，农民伯伯就开始同记者诉苦喇。“一年一造，啲蔗卖得好唔好要睇多唔多人嚟攞货！你哋城市人日日朝九晚五，我哋啊，晨早6点就係田里面做嘢喇……”梁生一路讲一路扒饭。“嚟，食餐冇餸饭。”冯生好热情咁招呼记者，“我哋平时落田做嘢，无水无电嘎，用柴煮
饭，得闲嗰阵炒番两味、喋（喝）碗白酒，知足囖。你睇下，仲有部收音机，中午听下古仔（电台的故事连播），开开心心又一日喇。”
8
白雪公主，几咁纯洁无瑕。之但系惗真啲，白雪公主，识得嗰个系王子，灰姑娘识得嗰个又系王子；有个有特殊癖好，中意锡青蛙嘅女人锡咗只青蛙一啖，只青蛙变出嚟嘅又系王子！有冇人惗过根本嗰王子系同一个人呢？根本哩个王子都不知几花心，四周围去沟女。仲无良到扮青蛙去沟添！
我第一次恋爱之前，我认为自己就系杨过，而我同书里面嗰杨过唯一唔同嘅地方，就系佢有只大雕。而我嗰阵，就中意拎哩个相思同画眉多啲。同杨过一样，我从来冇惗过要考第一。我净系需要爱情，只要搵到我嘅小龙女，我就可以抛弃学业，退隐山林，搬入新界住。之但系我一定要住西班牙别墅，我唔住得村屋，我惊蛇虫鼠蚁。然之后每个月至多出一次市区，之不过我唔会逗留得耐，问亚妈攞完零用钱就会入返入去。冇错，基本上，我由中一到中五都系喺哩种咁超然嘅思想下度过。嗰阵时学堂最兴嘅辩论题目系：‘中学生应唔应该拍拖？’我认为，我哋应该辩论嘅系：‘中学生应唔应该读书？’而喺我第一次恋爱之前，我嘅小龙女净系需要一个条件，就系靓，我知我咁样惗好肤浅，之但系嗰阵时我仲细，唔知道原来身材都好紧要嘎。
圣人话：‘食色性也！’食同色，好唔同！一个人无论几中意食，会唔会畀几十蚊入戏院睇套‘蒸气腾腾笼仔包？’一个人无论几中意食，又会唔会为咗望一旧冇包住嘅牛肉望到畀车撞？
9
講白啲佢哋就係妒忌我哋粵人仲保留咗咁多傳統
10
恋爱唔系part time，你唔可以话：‘爱！做完咪走咯！’恋爱系一盘生意，你要二十四小时谂住佢。自己生意，冇所谓part time正识。人哋放假或者过年过节，你仲够要开ot添。行花市嘞行海边嘞睇戏食饭嘞。你有乜嘢竞争对手？我冇竞争对手？！你估你系专利巴士公司咩？港巴都执咗嘞！有冇考虑结婚？咁就要向公众交代，咁就即系上市嘞！所以，‘中学生应唔应该拍拖’唔系问题，问题系‘人类应唔应该有两份全职嘅工？’你再拍拖，需要知会你老细：‘老细，我出面搵咗份恋爱，我真系好需要哩份恋爱，公司啲嘢我会照做，我兼顾得到嘎。’然之后你老细会话：‘咁你不而搵多份恋爱，咪直情唔驶返哩份工咯！’
依家啲人沟女，对条女最大嘅要求系乜啊？唔系靓，最紧要，系够新鲜！乜嘢叫做够新鲜啊？就系话，沟咗一年嗰个，就唔够沟咗半年嗰个咁正。因为半年嗰个新相识，新鲜啲。同样，沟咗半年嗰个，就唔够三个月咁正。
沟咗一个月就唔够半个月嗰个咁正。沟咗一日就唔够半日嗰个咁正，如此类推，卒之，沟咗嗰件，就唔够未沟嗰件咁正！咁即系点嗻？仲沟唔沟好嘞？一沟就唔正？！
黄子华：系爱情之中，女人最伟大！男人嘅牺牲，就系为咗追求靓；而女人嘅牺牲，就净系得到一个麻甩佬！而最伟大嘅系佢哋根本唔觉得系牺牲。若果你话畀一个女人听，喂，你条仔有口臭！张达明：唓，人梗有局部缺点嘅！黄子华：佢仲有臭狐同香港脚啵！张达明：咁佢咪好平均咯！黄子华：佢啲鼻鼾声唔驶搅咪嘞！张达明：我条仔一定系梦见我，我开心。黄子华：佢屙尿乱咁啡！张达明：好壮嘞！黄子华：佢啡完唔洗手！张达明：边有男人洗手啵？黄子华：我有！张达明：乸型！黄子华：佢仲讲粗口嘞！张达明：之但系佢心地好！黄子华：佢系电梯度食烟啵！张达明：公众场合都唔畀食咯，佢咪匿埋一边食咯，你哋仲想点啊？你系咪想逼死佢？！系咪想逼死佢？！
11
若果你话我厅，因为我唔靓仔，所以唔可以做戏，你唔应该话我厅！因为唔关我事，我唔应该负哩个责任，你应该同我父母讲，系佢哋搞成我咁嘅。若果你要罚，应该罚佢哋。第日，若果边个丑样，就罚佢老窦老母唔准做戏！或者净系做骑呢啡！
我唔系一个唔负责任嘅人，为我老窦老母短短一刹嘅快感，我经已负责咗好多年。你估做我好易做？我细个读书唔好，或者唔合格，我冇要父母负责。我自己签嗮啲成绩表嘅。当我老窦老母有争执闹交嘅时候，我有冇叫佢哋为咗我嘅童年着想，忍下对方？冇！我叫佢哋出街闹！我大个咗，唔知信边个宗教，唔知做人为乜，唔知人生事业嘅方向都冇要求父母照顾我。反而系我调返转头，提醒佢哋：你哋要搵钱，积谷防饥，唔系第日老咗冇依靠！乜嘢都系我！
靓仔系咪真系咁紧要？有啲人话男人唔驶靓仔嘅，有才华咪得咯。系，你有冇试过带你嘅才华落的士高识女仔？ 人哋啲靓仔一行入去，唔使二十分钟，就经已同啲女仔互相问问题：‘你度定我度’？我带住我嘅才华入到去，几艰难先搵到个女仔肯畀个机会我。唔系畀机会我交换问题，而系畀机会我天才表演。唱歌跳舞做话剧讲大话功夫表演，成套欢乐今宵一个人做一次。
我自细就知道，我系一个伟大嘅演员。人哋细个成班细路群埋，中意玩扮结婚，扮老窦老母。我细个，就中意扮奸夫。之但系唔知系咪我嗰样够老实，我系从来都冇机会扮奸夫，每次我都系扮*嘅老公。虽然系咁，虽然，我亦都系成班人之中最细嗰个。之但系我经已可以将一个妒忌男人嘅心态表现得淋漓尽致。当然，我啲朋友个个都赞我
，话我天生出嚟，就系戴绿帽嘅。