杭州历史沿革

杭州历史悠久，从秦的辰光设县治算搭起来有2200多年的历史的。杭州是华夏文明的发祥地之一。4700多年前就有人类徕动杭州生活，良渚文化畀大家叫文明曙光。杭州还做过五代吴越国同南宋两个王朝的都城，是中国七大古都之一。杭州古称钱唐。隋朝开皇九年（589年）取消钱唐郡，设杭州，杭州的个名字第一次出现徕历史高头。南宋建炎三年（1129年），宋高宗赵构逃到杭州，杭州畀他升为临安府。绍兴八年（1138年）南宋正式定都临安，持续140多年。民国元年（1912年）把原来的钱塘、仁和县地并起来设了杭县。民国十六年（1927年），北伐军进到杭州。箇一年，分出杭县城区，设杭州市，杭州从那个辰光开始叫市。抗日战争的辰光杭州畀日本人占了去，日本投降以后，国民政府光复。1949年，解放军进到杭州城里向，然后占领了整个浙江。

杭州徕南宋同元朝末年都是当时世界高头顶大的城市（来源:Largest Cities Through History）。参见老杭州城