愚公移山论【广东话·附简体普通话译文】

愚公移山論【附簡體普通話譯文】
《愚公移山》呢個故事出自《列子·湯問》。

意思係有一個叫做愚公嘅人，佢好唔中意門前有兩座大山阻住佢嘅路，於是乎決定將佢哋移走。

經過都唔知幾多代人，兩座大山終於都消失咗。

呢個故事喺今日，係鍥而不捨、堅持不懈，百折不撓咁解。

愚公呢個家族嘅人，雖然將兩座大山移除咗，但係，你有冇諗過，佢哋得到嘅回報係咪值得佢哋付出？愚公佢只不過想屋企門前嘅路
變平坦啫，要達到呢個同樣嘅目的，唔單只係得一種方法。

最直接嘅方法——搬走去第二度唔係得喇？而愚公呢，啱啱揀中咗最“愚”嘅方法，唔怪即得作者叫佢“愚公”，係咪“傻佬”咁解呢？
講起上嚟，可能後人誤解咗作者想要表達嘅意思都唔定，導致一代一代咁錯誤地傳落去，係咪一個極大嘅笑話呢？我諗，作者係想藉助呢個故事，諷刺啲唔知變通嘅人啩？呢啲人，雖然有啲所謂堅持不懈嘅精神，但係佢哋太過盲目。

呢個唔係堅持唔堅持嘅問題，而係做事方法嘅問題。

如果你做嘅嘢係唔啱嘅，咁你堅持幾耐都冇意思。

大家有冇聽過“南轅北轍”嘅故事呢？雖然地球係圓嘅，終可以到達你要去嘅地方，但係，你要比直接去多付出幾多代價？唔通嗰啲人唔知，佢哋做埋啲咁嘅冇用嘅嘢，要嘥幾多時間同埋精力咩？
呢個故事，我經已諗到一個好完美嘅結局：喺嗰條村，同樣住著一個叫做“精公”嘅人，屋企嘅情況同愚公差唔多，也都有好多子孫，佢一樣覺得嗰兩座大山喺度好阻頂，不過佢唔會好似愚公咁蠢。

佢都勸愚公無謂做埋啲咁愚蠢嘅事，同佢一齊搬去第二度，不過愚公唔聽
佢說話。

後尾，精公搬咗去市區，駛佢已有嘅財力物力供仔女讀書。

佢仔女讀書期間又識咗好多好多家境好好嘅朋友，有啲同精公仔女結咗婚... ...即係咁樣，精公嘅家族越来越大，越来越富有。

精公子孫有人做生意，有人當官，人力財力雄霸一方。

數代之後，皇帝昏聵，天下揭竿而起。

精公嘅後人因為勢力太大，竟然推翻咗舊王朝，建立新王朝，成為天子，而且一代一代咁傳落去。

等到愚公嘅後人終於走出大山，完成千百年嘅“大業”，卻突然發現，中國經已改朝換代，而而家嘅皇帝正係老故人——精公嘅後人。

佢哋不禁仰天長歎：咁多年以來，我哋究竟得到啲乜嘢！得到啲乜嘢吖！！！。

附：简体普通话译文
愚公移山论
《愚公移山》这个故事出自《列子·汤问》。

意思是有一个叫愚公的人，他很不喜欢门前有两座大山挡着他的路，于是决定将它们移走。

经过都不知多少代人，两座大山终于都消失了。

这个故事在今天，是锲而不舍、坚持不懈，百折不挠的寓意。

愚公这个家族的人，虽然将两座大山移除了，但是，你有没有想过，他们得到的回报是不是值得他们付出？愚公他只不过想家门前的路变平坦罢了，要达到这个同样的目的，不止有一种方法。

最直接的方法——搬走去其他地方不就行了？而愚公呢，恰恰选择了最“愚”的方法，难怪作者叫他“愚公”，是不是“傻老头”的意思呢？
话又说回来，说不定是后人误解了作者想要表达的意思，导致一代一代这样错误地传下去，是不是一个极大的笑话呢？我想，作者是想藉助这个故事，讽刺一些不知变通的人吧？这些人，虽然有点所谓坚持不懈的精神，但是他们太过盲目。

这个不是坚持不坚持的问题，而是做事方法的问题。

如果你做的事是不对的，那么你坚持多久都没有意思。

大家有没有听过“南辕北辙”的故事呢？虽然地球是圆的，终可以到达你要去的地方，但是，你要比直接去多付出多少代价？难道那些人不知道，他们做这些没用的事，要浪费多少时间和精力吗？
这个故事，我已经想到一个很完美的结局：在那个村子，同样住着一个叫“精公”的人，家里的情况和愚公差不多，也都有很多子孙，他一样觉得那两座大山在那很碍事，不过他不会好像愚公这么蠢。

他也劝愚公不要做一些这样愚蠢的事，和他一起搬去另外一个地方，不过愚公不听她的话。

后来，精公搬去市区了，用他已有的财力物力供子女读书。

他子女读书期间又认识了很多很多家境很好的朋友，有的和精公子女结了婚... ...就是这样，精公的家族越来越大，越来越富有。

精公子孙有人做生意，有人当官，人力财力雄霸一方。

数代之后，皇帝昏聩，天下揭竿而起。

精公的后人因为势力太大，竟然推翻了旧王朝，建立新王朝，成为天子，而且一代一代传下去。

等到愚公的后人终于走出大山，完成千百年来的“大业”，却突然发现，中国已经改朝换代，而现在的皇帝正是老故人——精公的后人。

他们不禁仰天长叹：这么多年以来，我们究竟得到些什么！得到些什么啊！！！。